Bjartes Blog

Torsdag 10.12 var det budsjettdebatt i Voss kommunestyre. Der vart det snekra saman eit lappeteppe av eit budsjett frå dei borgarlege samarbeidspartnarane Ap,SV og SP. I budsjettet som vart vedteke mot Raudt, Høgre og FrP sine røyster vart det mellom anna bestemt at det skal innførast eigedomskatt i heile kommunen samt ein relativt høg generell avgiftsauke. Desse ekstra utgiftene tek ikkje omsyn til inntekt og/eller formue, og vil såleis ramma dei svakaste mest. Ein av representantane frå middelklassepartiet SV har tilogmed fått seg til å seie i tidlegare debatt om eigedomsskatten at alle har råd til å betale litt ekstra for å få eit budsjett i balanse. Det er frykteleg synd at eit parti som for 20 år sidan var eit arbeidarklasseparti no så tydeleg er vorte middelklassens talerøyr også på Voss. Raudt starta forøvrig debatten med å få kommunestyre til å røyste over fylgjande utsetjingsframlegg:" Budsjetthandsaminga i Voss kommune vert utsett til etter kapitalismens fall". Dette framlegget fekk diverre berre Raudt sine 2 røyster.

Under fylgjer utdrag av mitt bidrag under budsjettdebatten:

Den sosialdemokratiske regjeringa vår har planlagt at kommunane skal gå med eit underskot i 2010 på 19.1 mrd. I stortingsmelding nr 1 – Nasjonalbudsjett 2010 – side 220. er det ein tabell som viser Kommuneforvaltningas inntekter og utgifter. Denne tabellen syner eit anslått underskot innan kommunesektoren i 2010 på 19 076 millioner, altså 19 milliarder og 76 millioner.- Har ei slik regjering krav på budsjett-disiplin fra kommunene? Raudt meiner NEI! og då meiner raudt at det er feigt av oss som kommunalt folkevalgte å sparka nedover mot velgarane våre, når det heilt tydeleg er dei over oss som gjer noko riv ruskande gale. Me må ansvarlegjera dei ansvarlege.

 

Statbudsjettet fortel oss at det er ein ein reell vekst i kommuneøkonomien på 2%, dette er kun eit festtale tal, ettersom økonomane i direktorotet har gløymt å ta med reell vekst i utgifter. Noko som mellom anna fører til det underskotet regjeringa sjølv har teke med i stortingsmelding 1. Regjeringa bløffar, og har absolutt ikkje krav på nokon slags lojalitet frå oss! Hadde det vore litt tak i oss hadde heile kommunestyret satt seg på toget til oslo, lagt oss i telt framfor stortinget og nekta å gå derifrå før galskapen er retta opp i.

 

Er det ein umulig tanke å kreva at staten skal auke kommunanes inntekter i 2010 såpass at det kommunale underskotet på 19 mrd, blir borte? Er det ”farlig” å redusera staten sitt overskot frå 174 mrd. til 155 mrd. neste år? Til samanlikning var det ikkje ”farlig” at Statens pensjonsfond – Utland tapte 636 mrd. på internasjonale aksjebørsar i 2008. -Den gong var det berre Raudt som yttra seg.

Raudt vil på bakgrunn av regjeringas svik ovanfor kommunane fremja fylgjande primær framlegg:

 

1.Alle bør-tiltak frå alle kommunalavdelingar skal bakast inn i budsjett og økonomiplan med tanke på gjennomføring i 2010. Inndekning skjer gjennom skattenekt til staten.

2. All eigedomsskatt i Voss kommune skal vekk

 

Dersom politikarane i Voss kommune ikkje tør å protestera har me fylgjande sekundærframlegg i balanse:

 

Inn i budsjettet:

Alle bør tiltak frå sosialavd. 2,8 millionar

Auka grunnbemanning institusjon 1,5 millionar

Reservepost barnevern 1 million

Oppretting av 1 ny heil stilling utekontakt/førebyggjande ungdomsarbeid 0,5 millionar

3 nye lærarstillingar i grunnskulen 1, 5 millionar

auke i sosialstønadssatser til SIFO nivå 2,2 millionar

sum auka utgifter= 9,5 millionar

 

Inndekking:

Auka utbytte Voss energi til 12 millionar – 5 millionar auke

Ostehøvelprinsipp politisk/folkevalgt - 1 million auke

kutt it + oppgradering av lisensar og felles it system/overgang til

lisensfritt open kjeldekode innan it. - 3,5 millionar auke

Sum inndekning: - 9,5 millionar

 

Framlegget føreset at det i den nyoppretta prosjektstillinga nye IT-system første halvår 2010 vert tilsett ein person med kompetanse innan linux/unix.

 

 

p, li { white-space: pre-wrap; Denne teksten er henta frå albumet "Definition" av det amerikanske crossover/Thrash bandet D.R.I. og vart gjeve ut i 1992. I desse klimatoppmøte tider burde teksten absolutt vera aktuell.

D.R.I - Acid Reign :

 

Will our children look back

With hatred or despair

At a generation of idiots

Who just didn't care

About the fossil fuel fumes

And the aerosol sprays

That put holes in the ozone

And let in the rays

That can cause cancer in humans?

And what is it all worth

Heating up our globe

Destroying our own Earth?

What will they think

Of us with no concern

About the seas of shit

And radiation burn?

We who watched

The waters of the world

Turn to lakes of lava

Killing every form of life?

Will they have regrets

For being born at all

Into a world where only

Acid rain can fall

On all the empty fields

And on the vacant lots

Where cockroaches and crab grass

Are the only crops?

Acid rain dissolving away

The monuments of man

Run for your lives!

 

Acid rain

Smell the rain coming?

Acid rain

Run for cover now!

Acid rain

The water is on fire!

Acid rain

 

I går var det folkemøte om utviding av eigedomsskatt i Voss kommune. Bakgrunnen for møte var det politiske fleirtalet sitt ynskje om å nytta eigedomsskatt for å dekka inn vel 12 milloner kroner son per dags dato mangler for å få kommunebudsjettet for 2010 i balanse. Ein viktig detalj i høve budsjettspørsmålet er at 7 millioner kroner vert brukt til omtaksering og diverse anna som er naudsynt for å innføra nye avgifter for innbyggarane. Under har eg lima inn deler av dei poenga eg forsøkte å trekka fram under paneldebatten.

 

Desverre er det ikkje slik at det går ann å sjå på eit hus sin størrelse om dei som bur der er rike eller fattige slik skravleklassen og byråkratane ser ut til å meina. Innføring av eigedomsskatt vil uansett korleis ein ser på det ramma dei svakaste hardast..

Årsaka bak innføring av denne skatteformen er ikkje som arbeiderpartiet vil ha oss til å tru, ein dyr skulestruktur, årsaken ligg i den generelle kommuneøkonomien. Dette bunner sjølvsagt ut i dei manglande overføringane kommunen får frå staten. Om kommunen hadde fått refundert alle ekstrakostnader i høve nye reguleringar frå statleg hald ville innføringa av denne skatten ikkje vera aktuell i det heile. Stortingsmelding nr 1 – Nasjonalbudsjett 2010 – side 220. har ein tabell som viser Kommuneforvaltningas inntekter og utgifter. Denne tabellen syner eit anslått underskot innan kommunesektoren i 2009 på 19 076 millioner, altså 19 milliarder og 76 millioner. Då er det feigt av oss som kommunalt folkevalgte å sparka nedover mot velgarane våre, når det heilt tydeleg er dei over oss som gjer noko riv ruskande gale. Hadde det vore litt tak i oss hadde heile kommunestyret satt seg på toget til oslo, lagt oss i telt framfor stortinget og nekta å gå derifrå før galskapen er retta opp i  (ingen av politikarane i panelet hadde lyst til å vera med på dette, men representanten for huseigaranes landsforbund tykkte at dette var ein god ide).

 

No har eg ingen illusjonar om å få med meg dei velsituerte kommunerepresentantane på noko slikt, men det er mykje me kan gjera innan dagens rammeverk også. Me kan starte me oss sjølv å spara inn pengar på å ta med oss niste under kommunal møteverksemd, me kan halvera utgiftene til dei folkevalde gjennom redusert ordførarlønning og ellers kalla annakvart kommunestyremøte for dugnad og me kan kutta ut alle lisensar der det finst gratis alternativ til dømes innan it-sektoren.

Igjen er moralen frå Raudt, ikkje spark mot dei som er under oss, spark heller mot dei over oss, eller gjer noko med oss sjølv. Når dette er sagt så er ikkje me i Raudt prinsippellt motstandarar av skatt på luksus slik som ein del av høgrepartia er. Så dersom regelverket hadde vorte endra frå dei som bestemmer regelverket kunne Raudt røyste for skatt på tildømes luksushytter. Men, hovudretninga i skattlegging må vera å gå imot ekstraskatter i form av avgifter, og heller utarbeida ein meir rettvis beskattning av kapital og inntekt på arbeid.

Alle skal med seier sosialdemokratane, dette er med sjølvsagt einig i, men det er ein kjennsgjerning at for å få dette til nyttar det ikkje å innføre nye usosiale avgifter som begrensar dei svakaste sine mogelegheiter for deltaking i samfunnet. Statens pensjonsfond utlandet ser ut til å nå ein vekst på nærare 13% i år, og vil ha verdiar på rundt 2800 milliarder kroner ved utgangen av 2009, medan statsbudsjettet slår fast ein auke i statlege utgifter på 7 %. Med andre ord, det skulle ikkje vere nokon grunn til å la vera å sparka oppover i systemet. Raudt vil gå imot innføring av utvida eigedomsskatt, og vil ha som mål å fjerna eigedomsskatt på vanlege boligar i heile kommunen.